Instructions to Candidates

One-Time Registration സമയത്ത് താഴെ പറയുന്ന കാര്യങ്ങള്‍ ഉറപ്പ് വരുത്തുക

അപേക്ഷകൻ SSLC അല്ലെങ്കിൽ തത്തുല്യ പരീക്ഷ പാസായിരിക്കണം. എഞ്ചിനീയറിംഗ് സ്ട്രീമിലേക്ക് കണക്ക്, സയൻസ്, ഇംഗ്ലീഷ് വിഷയങ്ങളും നോൺ-എഞ്ചിനീയറിംഗ് സ്ട്രീമിലേക്ക് കണക്ക്, ഇംഗ്ലീഷ് വിഷയങ്ങളും പഠിച്ചിരിക്കേണ്ടതുമാണ്.
അപേക്ഷയില്‍ രജിസ്റ്റർ ചെയ്യുന്ന മൊബൈൽ നമ്പർ അപേക്ഷന്റേതായിരിക്കേണ്ടതും, പ്രവേശന പ്രക്രിയ കഴിയുന്നത്‌ വരെ നിലനിര്‍ത്തേണ്ടതുമാകുന്നു.
One-Time Registration ന് ആവശ്യമായ വിവരങ്ങൾ സമര്‍പ്പിക്കുമ്പോൾ മൊബൈൽ OTP വെരിഫിക്കേഷന് ശേഷം രജിസ്ട്രേഷൻ ഫീസ്‌ അടയ്ക്കുവാനുള്ള ലിങ്ക് ലഭിക്കുന്നതാണ്. അപ്രകാരം ഫീസടയ്ക്കാന്‍ സാധിക്കാത്തവര്‍ക്ക് പിന്നീട് https://pt.polyadmission.org/ എന്ന അഡ്മിഷൻ പോര്‍ട്ടൽ ഹോം പേജിലെ “CHECK/RETRY PAYMENT” ലിങ്ക് വഴി ഫീസടയ്ക്കുവാനോ നിലവില്‍ ഫീസടച്ചതിന്റെ സ്ഥിതി പരിശോധിക്കുവാനോ സാധിക്കുന്നതാണ്.
ഓണ്‍ലൈന്‍ പേയ്മെന്റ് നടത്തുമ്പോള്‍ തുടക്കത്തിൽ ലഭിക്കുന്ന GRN നമ്പർ വളരെ പ്രധാനപ്പെട്ടതും അപേക്ഷകര്‍ നിര്‍ബന്ധമായും സൂക്ഷിക്കേണ്ടതുമാണ്. ഫീസ്‌ പേയ്മെന്റിനെ സംബന്ധിച്ചുള്ള എല്ലാ അന്വേഷണങ്ങള്‍ക്കും GRN നമ്പർ നിര്‍ബന്ധമാകുന്നു.
One-Time Registration / ഓണ്‍ലൈൻ അപേക്ഷ സമര്‍പ്പണം / പോളിടെക്നിക് പ്രവേശനം തുടങ്ങിയവയുമായി ബന്ധപ്പെട്ട സംശയങ്ങള്‍ക്ക് എല്ലാ പോളിടെക്നിക് കോളേജുകളിലെയും ഹെല്‍പ്പ്ഡസ്കുകളിൽ ലഭ്യമാക്കിയിട്ടുള്ള അദ്ധ്യാപകരുടെ മൊബൈൽ നമ്പറുകളിൽ ബന്ധപ്പെടാവുന്നതാണ്. നമ്പറുകള്‍ അഡ്മിഷൻ പോര്‍ട്ടലിലെ “CONTACT US” എന്ന ലിങ്കില്‍ ലഭിക്കുന്നതാണ്.
One-Time Registration പോളിടെക്‌നിക്‌ കോളേജുകളിൽ അപേക്ഷ സമർപ്പിക്കുന്നത്തിനുള്ള നടപടി ക്രമത്തിന്റെ ആദ്യ ഘട്ടം മാത്രമാകുന്നു. രജിസ്ട്രേഷൻ ഫീസടച്ച് പൂർത്തിയാക്കിയതിനു ശേഷം മാത്രമേ വിവിധ പോളിടെക്‌നിക്‌ കോളേജുകളിലേക്ക് പ്രവേശനത്തിനുള്ള അപേക്ഷ സമർപ്പിക്കുവാൻ സാധിക്കുകയുള്ളു.

Government of Kerala

DEPARTMENT OF TECHNICAL EDUCATION

Single Window Admission to Diploma Programmes (Part Time) 2026-27

Instructions to Candidates Before One-time Registration